1. Lionel Messi (PSG) - $41 million
Footballer hlawh tam bera Messi-a hming a lang hi thil mak a ni hran lo. Kum 34 a ni tawh chungin tunah pawh Lionel Messi hi khawvel player tha ber nia chhaltu an la tam viau awm e. Argentinean superstar hi 2021 khan free agent niin Barcelona a chhuahsan thut a, Camp Nou atangin PSG a zawm. Lei chhuahna man ngai ta lo chu French heavyweight hian kum khat hlawhah $41 million pek an in tiam a, kum hnih atan contract ziak zuiin kum khat dang pawhsei theih a ni bawk. 

2. Neymar Jr (PSG) - $36.5 million
Messi-a dawtah hian a teammate Neymar a awm a, Brazilian star hian 2021 nipui khan a contract neih mek chu pawt seiin Parisian tan kum 2025 thleng cham turin an inrem. An inremna ang chuan kum tin Neymar Jr. hian $36.5 million a hlawh ang. Neymar hi a vanneih em em nachhan chu, tunah hian footballer thiam leh langsar 10 thlan chhuah zingah a tel loh hial maithei tih tur a ni a; Chuti chungin khawvel player hlawh tam ber dawttu a la ni thei. 

3. Cristiano Ronaldo (Manchester United) - $36 million
Cristiano Ronaldo hi pathumnaah a awm chungin English Premier League chanchina hlawh hnem ber a ni mek. Kum 2021 khan a club hlui Manchester United lamah kum hnih atan contract a ziak. Ronaldo hi Old Trafford lama a kir leh hma hian kum 10 dawn Real Madrid leh Juventus lamah a khel. Kum 37 a ni tawh chungin hlawh lamah chuan Cristiano Ronaldo hi Premier League player zingah han ter phak tur an awm rih lo.