ZALEN Dec. 15. 2022 : SP Traffic, Aizawl chuan footpath-a lirthei dah/park hnawkte chu traffic control room (Ph: 9366553559)-ah report zel turin a hriattir.

Vawiin hriattirna a chhuah a tarlan a nih danin, mihring kalna tura ruahman, footpath a lirthei khalh emaw, dah emaw, kea kalte tana hnawk khawpa footpath rapa lirthei dah emaw chu dah in a khap tlat a ni a, dan bawhchhiate chu hrem theih an ni.

Hemi vang hian lirthei khalhtute chu footpath a lirthei dah lo tura hriattir an ni a, hei hian reilote dah zawk pawh a huam. Footpath a lirthei dah te chu traffic control room-ah an lirthei thlalak, registration number langin, an dahna hmun nen hriattir zel tur a ni.