Aizawl: Sawrkar laipui a Ministry of External Affairs (MEA) buatsaih leh bul tum in Know India Programme (KIP) a tel People of India Origin (PIO) thalai 40 rual chu anmahni buaipuitu MEA officer 3 te nen nimin khan Aizawl an lo thleng. Ruahman lawk ang chuan vawiin hian Aizawl leh a chhehvel a hmun pawimawh then khatte tlawhpui an ni dawn a. Naktukah MZU zirtirtute leh zirlaite nen inkawm hona neiin chawhnu lamah Larsap an hmu dawn a. Thawhlehni ah Delhi an pan thla leh ang. KIP ruahmanna hi People of Indian Origin te awmna ram (Fiji, Guyana, Suriname, Trinidad & Tobago leh a dang te) thalaite tana India ram chanchin zirna leh hriatna programme niin KIP tour hi Mizoram in a thlen vawi khatna a ni a. KIP hi a batch 48-na niin Mizoram an tlawh hma in Manipur an tlawh a ni. Ni 25 chhung India ramah cham in state pahnih khat chanchin kimchang zawka an hriat theih nan state te tlawhpui leh zinpui an ni thin.