DOWNLOAD OUR APP

Read latest news on your phone
app-store
Frankfurt 1-1 Rangers (5-4 pens): Europa League champion Eintracht Frankfurt
May 19, 2022

Kum 50 hnua European title an lak theihna hun tha bawh pelhin Rangers an vanduai. Nizana Seville khelmuala Europa League final khelhah, Eintracht Frankfurt chu penalty shoot-out a chakin champion beisei an khingpui Rangers players leh fans te an vel.

Team hnih te hi hun pangaiah 1-1 in an inhnehtawk a, penalty hmanga chak zawk zawn a ni. Rangers tan Arsenal star hlui Aaron Ramsey-a a rawn pen chhuak a, a penalty pet chu Frankfurt goal keeper-in a lo dan sak a, penalty pet goal lo awmchhun a niin 5-4 in Frankfurt an chak a, UEFA Europa League champion nomawi an chawi.

He inkhelhah hian first half-ah goal a lut lo va, minute 56-naah Gers fans te duhsam ram thleng tura beiseina lian tak siam sakin, Joe Aribo chuan box chhung atangin mawi takin Rangers tan goal khatna a khung. Nigeria international hian Frankfurt defender te tal buai in, goalkeeper Trapp-a ball an pek let chu nangchingin second half tir lamah hmahruaina goal a khung.

Mahse, German lam hi an hlim rei lo, Frankfurt lamin an nawr let a, si an phurh atanga minute sawm pahnihna minute 68-ah Rafael Borre chuan Filip Kostic-a cross ball fing tak mai chu hnaih set-sawt atangin a ti lut a, 1-1 in an inhnehtawk. Hun pangaiah goal luh belh a awm lova,  extra-time khelh zui a ni. Team pahnih te hian goal thunna huntha an nei ve ve thin chungin goal an thun hleithei lo. 

Season khat chhunga UEL game awm zawng zawng 13-a goal thun vek thei team hnihna Frankfurt

Eintracht Frankfurt chuan tun season UEFA Europa League-a an game khelh zawng zawng 13-ah goal an thun vek a, 2009 hnuah he competition-a an hming chhiattawhna khuh bovin an champion a, group stage an khelh atanga an game khelh zawng zawngah goal an thun vek. Anni anga goal khung thei hi Chelsea chiah awmin 2018-19 season khan he record ropui hi an lo siam tawh a ni. Frankfurt hi chak loh nei miah lova UEL champion thei team pathum zinga pakhat an ni bawk. 

Match thlirna tlangpui

0' KICK-OFF! Match tan a ni a, chak tum ve ve tu team nge chak zawk ang?
5' Injured! Rode chuan a lu-ah hliam turain thisen a chhuak. 
11' Sow-a'n long shot tha zet a nei a, mahse McGregor-a'n a lo dang thei hlauh.
19' McGregor-a bawk chetha lehin Knauff-a shot a lo dang leh.
25' Ayodele-Aribo-a'n long shot a nei a, mahse goal ban pawn lamah a chhuak.
29' Kostic-a shot tha zet chu a lut teuh hle a, goal kham chungah a kal. 
31' Kostic-a bawkin shot a nei a, ban pawn lamah a chhuak.
45' Jack-a'n goal kham a pet khum. 
47' Tuta-a long shot chu goal ban pawn lamah a chhuak. 
52' Borre-a chu box chhungah titluk a ni a, beisei viau mah se penalty a hlawh chhuak zo lo.
54' Kent-a'n shot neiin ban pawn lamah a kal. 
56' GOAL! J. Ayodele-Aribo-a'n goal a thun a Frankfurt 0-1 Rangers a ni.
66' MISS! Kamada-a shot bar chunglamah a kal. 
68' GOAL! Borre-a'n an si phurh sutna goal a thun. Frankfurt 1-1 Rangers a ni ta.
76' Jens Petter Hauge-a'n goal a thun teuh hle a, goal kham chungah a kal. 

Line-ups
Frankfurt XI: Rode, Trapp, Kostic, A. Toure, Sow, Borré, Kamada, N'Dicka, J. Lindstrøm, Tuta, A. Knauff
Subs: Hasebe, J. Grahl, Chandler, Goncalo, Da Costa, C. Lenz, A. Hrustic, K. Jakić, S. Lammers, Barkok, Jens Petter Hauge, R. Ache

Rangers XI: A. McGregor, R. Jack, J. Tavernier, Goldson, Lundstram, G. Kamara, B. Barišić, S. Wright, J. Ayodele-Aribo, Kent, Calvin Bassey
Subs: S.Davis, Arfield, J. McLaughlin, Balogun, Ramsey, K. Roofe, R. McCrorie, F. Sakala, J. Sands, Amad Diallo Traore, L. King, A. Lowry

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh