British number one Emma Raducanu chuan set khatna a lak zet hnuah set hnih hloh zawnin French Open a khelhna hmasa berah second round a pal tlang zo lo. Kum 19-na Raducanu hi Belarus nula Aliaksandra Sasnovich lakah 3-6 6-1 6-1 in a tlawm.

June ni 5 thlen awh tur Roland Garros khelh mekah hian Cameron Norrie chuan second round a paltlang thung a, Norrie hi kumin chhunga British singles player zinga third round thleng thei hmasa ber a ni nghe nghe. Seeded 10-na Norrie hian 6-3 6-4 6-3 a Australia Jason Kubler hnehin Paris clay-ah kum zawna last 32 a thleng thei a ni. Norrie hian fourth-round lut turin seede 21-na Karen Khachanov a hmachhawn leh ang. 

Raducanu a chak loh hnu hian, British hmeichhe singles dam an awm ta lova, first round lamah Heather Watson leh Harriet Dart te an lo tla tawh bawk a ni. Raducanu-i hian clay-a khelh chu thiam ve viau tawh mah se hmasawnna tur a la nei nual niin a lang. Raducanu hian an game thumna deciding set-ah hian break point tum nga zet nei mahse a chak zo ta chuang lo. 

US Open-a a champion hnuah Raducanu hian Grand Slams tum hnih khel leh tawhin second round a paltlang zo lo ve ve. Grand Slam a champion hnua a tournament hmachhawn leh hmasak ber nikum October thla khan Indian Wells-ah Raducanu hian rank 47-na Sasnovich chu hmachhawnin a hneh lo nghal a, mahse theihtawp chhuahin tunah chuan player hmasawn leh danglam tak a ni tawh a ni.