Frenkie de Jong (born 12 May 1997) hi Dutch professional footballer niinmidfielder for La Liga club Barcelona leh Netherlands national team tana khel mek a ni a, season tharah hian a club ngaiah a khel chhunzawm ang em tih hi zawhna awm mek a ni.

Europe Club lian hovin an in chuh mek de Jong hian January 2019 khan July 2019 a Ajax atanga Barcelona zawm turin  €75 million hu inremna a ziak. De Jong hian 2015 khan Willem II atangin a eizawnna football kawng a zawh tan a, a kum leha  €1 in Ajax a zawm. A man hi atana an inpek hi chhinchhiah awlsam tak a nih rualin, inhralhna man atana hetiang zat hman hi danglam tak a ni.

Ajax -ah hian a inchher hriam tha viau a, Europe-a rawlthar midfielder tha ber pawlah an chhuah. 2018-19 season khan De Jong hian Ajax chu  Eredivisie leh KNVB Cup a lakpui a, Eredivisie player of the season atan thlan niin, kum 22 hnuah a tum khat nan Ajax chu UEFA Champions League semi-final a thlen pui a ni. 

2018–19 season kha De Jong tan chuan kum tha a tih loh theih loh, Ajax chu 2001-02 season hnua a tum khan nan league leh cup a chawi pui. Ajax hian season tluanin PSV Eindhoven chu a sual a ni ber a, a tawpah erawh chungnung zawkah an tang. He season-ah hian Ajax tan tum 51-a inlan a 2018–19 UEFA Champions League semi-final-a Tottenham Hotspur Stadium inkhel first leg-a 0-1 a an chak tum khan a langsar hle. Khami tum khan De Jong hi ball khawih hnem ber niin tum 87 ball a chang a, pass 86.2% a pe dik. 

1997 hnulama Ajax in Champions League an thlen thui ber tum a ni. Khami tum khan Juventus (3–2 agg.) in an hneh a, quarterfinals-ah Real Madrid (5–3 agg.) a a hneh hnuah semi-final 2nd leg-ah Ajax hi 2–3 in an mualah an tlawm a, away goal rule vangin English club Tottenham Hotspur lakah chak loh zawkah an tang a ni. De Jong hi 2018–19 UEFA Champions League squad of the season-ah thlan a ni a, tournament's midfielder of the season atan vote tlin a ni bawk.

January 2019 khan Lal Liga club hlun Barcelona chuan Frenkie de Jong hi kum nga atan contract an ziahpui thu an puang thut a, hetih lai hian Paris Saint-Germain leh Manchester City bakah Manchester United te nen sawi zawm a ni reng. July 1, 2022 khan tuna a club hi a zawm chauh thung. De Jong hmalam hunah hian tunah pawh sawi a tam hle a, Manchester United chuan an lalut hnai niin thuthang a awm mek.