ZALEN, Apr. 09, 2026: Forensic Science Laboratory, Mizoram Assistant Director Ammie Lalnunpuii chuan 2-day Satellite Conference (SetCon) on Forensic Biological Sciences-ah India-a Forensic, DNA-a thawkte tana a buatsaih Best Oral Presentation (Professional Category)-ah Mizoram tan lawmman 2-na a la.

Thawhlehni leh Nilainia Forensic Science Laboratory, Patna, Bihar-a conference-ah hian abstract 47 lutin a tha zual 18 thlan chhuah zingah Ammie hi telin presentation neihin a titha thlan leh an ni a, a ti tha ber 2-na lawmman a la a ni.

Ammie-i hi Tuikhuahtlang, Aizawla awm niin naupang enkawlna lam lehkhabu, ‘Formula 3-2-1’ pawh a lo ziak tawh a ni.

Conference-ah hian India-a forensic thiam, state leh Central Forensic Science Laboratory atangin mi 150 vel an kal.

FSL (CID), Patna, Bihar leh union home ministry hnuaia Directorate of Forensic Science Services (DFSS), New Delhi buatsaih SetCon Conference-ah hian lawmmante hi Bihar Chief Secretary Arvind Kumar Chaudhary, IAS leh Dr. S.K. Jain, Director-cum-Chief Forensic Scientist, DFSS ten an hlan a ni.

Mizoram FSL-ah hian Director T.Lalropuia hovin forensic expert 14 an awm mek a. Kutze chhui (fingerprint) thiamna hmangin India ram pumah kum 2017 leh kum 2023 khan lawmman an lo la tawh a, DNA-ah a ti tha ber 2-na lawmman an la leh ta a ni.