ZALEN May 13, 2026: Mizoram Food, Civil Supplies & Consumer Affairs (FCS&CA) Department chuan kumin fur chhung atana buhfai a chhekkhawl chungchangah hriattirna an chhuah a, centre 70-ah buahfai thleng tur te a thleng kim tawh thu an tarlang.

Thuchhuah chuan, "FCS&CA Department-in kum tina a lo tih thin angin kumin (2026)-ah pawh hian Fur khawchhiat lai a khaw thenkhat tlawhpawh harsa leh ei leh bar lakluh harsatna thin khua ten buhfai an tlakchham loh nan buhfai chhekkhawl lawk (Monsoon stocking) a kalpui leh a. 

"Heng khaw hrang hrangten furpui chhunga anmahni chawmtu Supply Centre 70 (sawmsarih)-ah an mamawh tur zat buhfai 1,66,655.90 qtls.(quintal nuai khat singruh sangruk zaruk sawmnga panga leh kg. sawmkua) chu thlen kim a ni tawh. Chuvangin, mipuite, a bik takin thingtlang hmun kilkhawr zawka chengte Furpui a lo thleng a nih pawhin buhfai-ah harsatna a awmlo a ni tih FCS&CA Department chuan a hriattir a ni," tih a tarlang.