Aizawl khawpuia football rawn luah lan mektu futsal tournament lian chu nizan khan khelh zawh a ni a, Kuriz Collection Mizoram Football Association (MFA) Futsal Tournament final R. Dengțhuama Indoor Stadium, Mualpuia khelh-ah League Club-ah Electric Veng FC an champion. Final inkhel dangah Veteran huangah Ditea's FC leh Division One lamah Thlangtiang FC, Dawrpui te an champion bawk.  

May ni 3, 2022 Thawhlehni tlai dar 5 khan Veteran huang atangin Ditea's FC leh Kim Kim 77 FC ten final an khel a, 8-1 zetin Ditea's FC te an chak. Division One inkhelh hi zan dar 7-ah tan ni ve thungin Thlangtiang FC leh Tlangnuam FC ten final an khel ve thung a, Thlangtiang FC, Dawrpui lamin 5-2-in Tlangnuam FC te hi an hneh a, champion trophy an hawn. Inkhel hnuhnungber leh hmuhnawm ber League Club-ah tantu ngah leh veng tangrual Electric Veng leh huhang ngah Chammari Zothan Futsal te an inkhel ve leh, zan dar 8:30 final inkhelah hian Electric Veng FC chuan 4-2 in Chanmari Zothan Futsal hnehin a vawikhat nan champion a, pawisa fai cheng 80,000/- bakah nomawi an hum haw.

MFA Futsal League atang hian team Gideon Kanan, Whetstone FC Ramthar veng, Zaia Memorial FC Laipuitlang leh FC Khatla te an relagate a, season tharah Division One Club atangin point hmusang club pali te MFA Futsal League, 2022-23 Season khel turin an lut chho ve thung ang. May 2022 hian Division One Club tan Season Ending Futsal Tournament buatsaih a ni dawn a, he tournament-ah hian Season thara MFA Futsal League khel phak tur club pali dang tih chian a ni ang. 

Final Results 

Veteran

5:00 PM Ditea's FC 8-1 Kim Kim 77 FC

(Vanlalrova 2', 44', Joel Lalthangmawia 3', 43', Hmingthansanga 5', 7', 40', Lalthanpuia 48') ( F. Lalropuia 35')

Champion: Ditea's FC, Rs 50,00/- Trophy
Pahnihna: Kim Kim FC, Rs 2,500/-

Division One

7:00PM Tlangnuam FC 2-5 Thlangtiang FC, Dawrpui
(R. Lalmuanpuia 2', Zodingngheta 14') (Lalremruata 9', 19', R. Lalmuankima 23', Lalsawmzela 45', 46')

Champion : Thlangtiang FC, Dawrpui Rs 20,000/-Trophy+ Certificate
Pahnihna : Tlangnuam FC, Rs 10,000/- Certificate

Best Player : Best Player : R. Lalmuankima,Thlangtiang FC, Dawrpui, Rs 1,000/-Trophy+Certificate

League Club

8:30 PM Electric Veng FC 4-2 Chanmari Zothan Futsal
(Jonathan Lalrawngbawla 22', 60', Lalsangkima 23', Lalrinsanga Khawlhring 52') (Lalremtluanga 11', K.Roluahpuia 25')

Man of the Match: Lalrinzuala, Electric Veng FC

Champion : Electric Veng FC, Rs 80,000/- Trophy + Certificate + Medal
Pahnihna : Rs 50,000/- Certificate

Semi-finalists : Rs 20,000 (40,000, Lawmna FC / IDBI Capital)

Quarter finalists : Rs 10,000 (40,000, FC Thyristor/ Amawii Bawngkawn / Zonuam FC / Saron Veng FC

Pre-quarter finalists : Rs 3,000/- (21,000 Team Gideon / Bungkawn FC / LM Futsal Club / Ramhlun South FC / FC Khatla / Whetstone FC / Zaia Memorial / Chhinga veng FC

Best Player : VL Rindika, Electric Veng FC, Rs 5,000/- Trophy
Fair Play Award : Chanmari Zothan Futsal, Rs 5,000/- Certificate