'Gabriel' film-a chang dun tur Gospela Tlau & Ruthi Chenkual
![](https://zalen.s3.ap-south-1.amazonaws.com/images/news/1696653210_3.jpg)
Mizo Film Industry-in nasa takin hma a sawn a, film chhuak thar a piang a tha tulh tulh emaw tih mai tur a ni. Film dah khawmna Runmawi Application chuan film thar an siam dawn a, film star an neih that ber ber an inlan dawn.
He film hming tur hi 'Gabriel' tih a ni a, November atangin shooting tan a ni dawn. Mizo ten filmstar kan neih that ber berte zinga mi Gospela Tlau leh Ruthi Chenkual te an inlan dawn a, a boruak leh viau dawn a nih hmel. Gospela Tlau ti 'Scooty' leh film dang dangah a lo inlan tawh a, nulate star rawn a ni. A chanpui tur Ruthi Chenkual hi Mizo Film Award 2023 Best Supporting Actress dawngtu a ni a, a suhute enin amahah rinhleh tur a awm lo - a hmuhnawm dawn.
Director
He film director tur hi Danny Vanchhong a ni a, tun hnaia fim hit zel mai 'Black Rose' lo direct tawhtu a nih avangin a nghahhlehawm hle. Danny Vanchhong hian a script a ziah bakah, a direct-na hnuaia chan tur a ni ang. Runmawi App chu producer an ni dawn a, an sulhnu hrang hrang enin a nghahhlehawm hle.
An videographer tur hi Moonshine Studio a ni dawn a, musci video siam lamah sulhnu ropui tak a hnutchhiah hnuah film siam turin a rawn pen chhuak dawn. A changtu zingah hian Ruthi Chenkual leh Gospela Tlau te bakah Abii kan hmu dawn a, ani hi 'Black Rose' leh ' 'Pa Hausa' film-ahte lo inlan tawh a nih avangin tawn hriat a nei tha hle.
Ani bakah hian Bena kan hmu dawn bawk a, hun rei tak a chawlhhnuin 'Gabriel' filmah a rawn inlar dawn - 'Kantu Express' leh 'Lungloh Tui' ahte khan a thiam zia a lo pho chhuak tawh a nih kha. 'Gabriel' film tihchhuah hun tur hi puanzar a la ni lo a, kuminah kan hmu hman lo a nih pawhin nakkum kum tir lamah chuan en theihin a amw tawh ngei ang.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024