Tun hnaia Bollywood film chhuak thar tur zinga thawm nei lian ber tih ngam chu 'Ganapath' hi a ni a, a trailer tihchhuah atangin a hit nghal hle. 'Ganapath' film-ah hian Bollywood star langsar tak tak an inlan a, a hit pawh hi a mak lo. 'Ganapath' hi Tiger Shroff, Amitabh Bachchan, Kriti Sanon leh Elli AvrRam te channa a nih avangin Box Office-ah a rawn che tha a nih pawhin a mak lo ang. 

Tiger Shroff hi tun laia Bollywood star langsar ber zinga mi a ni a, Heropanti 2 kha a channa hnuhnung ber niin, a hit hle a nih kha. Bollywood industry-in nasa takin hma a sawn a, Hollywood la phak lo mah se an duai bik loh zia kan hmu chho zel. Kumtir lama tihchhuah Shah Rukh Khan leh Deepika Padukone te channa 'Pathan' khan vaibelchhe 1000 chuang a lalut hem mai. 

'Ganapath' pawh hi a siam nan vaibelchhe 200 zet sen ralna a ni a, a sum lakluh pawh a thahnem hle tura ngaih a ni - October 20, 2023 hian tlangzarh a ni ang.