Aizawl: Mizoram sawrkar, Food, Civil Supply & Consumer Affairs department chuan hnianghnar zawka gas phurh anih theihnan tuna rate awmsa bakah support price pek a tum. Zalen in Food, Civil Supply & Consumer Affairs department thawktute hnen atanga thu a dawn danin Mizoram in gas a lakna pakhat Borkhola atanga phur/la thin te chuan harsatna an tawk lova, mahse Mualkhang atanga phur ten a rate a hniam vanga harsatna an tawh thin avangin support price hi an ruahman tih an sawi a. Support price an pek tur hi an phurhna hmun tur azirin a inanglo nia sawiin chawhrualin gas bur khat ah paise 30 vel an ruahman niin an sawi. FCS&CA thawktute chuan tuna gas harsatna khua te chu MIZOFED enkawlte an ni tih sawiin an motor bakah lirthei dang ngaihtuah belh turin an hriattir tawh tih an sawi a. thil tih ngai te chu IOC lamah dilpui an tum tih Zalen an hrilh bawk. Zawhna chhangin tunlaia gas a harsat chhan chu Mualkhang atanga phurhchhuah a tlem bakah Borkhola ah plant tihlen anih avanga gas pekchhuah a nih loh vang niin an sawi a, harsatna hi a ziaawm thuai an beisei tih an sawi bawk.