Aizawl: Gas thlen thatloh vangin Mizoram hmun hrang hrangah harsatna a thleng a, mahse tunhnaiah gas a thlen that leh deuh avangin harsatna hi a ziaawm chhoh thuai beisei a ni. Gas harsatna thlen chhan ber hi phailam atanga a lo thlen tlem vang niin FCS&CA hotute chuan Zalen an hrilh a, FCS&CA Minister in IOC hotute a ngenna avangin March, April, May leh June thla vel khan bur nuai 1 chuang te a lo thleng a. Mahse July thla ah Gas hi a thlen tlem thut avang in harsatna hi a thleng ta nia sawiin tunah chuan a pang-ngai chhoh leh tak avangin harsatna zualpui hi a kian thuai an beisei tih an sawi. Gas hi June, 2016 ah domestic bur 134724 leh commercial bur 1650 a thlen laiin July, 2016 ah chuan domestic 92416 leh commercial bur 900 a thleng a, a inthlauhna hi domestic ah bur 42308 leh commercial ah bur 750 a ni.