DOWNLOAD OUR APP

Read latest news on your phone
app-store

Gas ziaawm thei lo

Oct 16, 2016

Gas ziaawm thei lo

Aizawl: Mizorama Gas harsatna chuan ziaawm lam a la pan thei meuh lo a, mi tam takin harsatna an tawk mek. Zalen palaiin FCS&CA Department hotute hnen atanga thu a dawn danin IOC lamah pawh nasa taka an nawr chungin hmasawnna a awm thei meuh lo tih an sawi a. "Carrying contractor te hian kawng laka tih chingpen hisapin a phurhman hi hniam te in an chhang a. Mahse buk thlap thlap anih hnu hian an tan a buaithlak ta a, chuvangin harsatna hi an siam ta ni berin kan ngai a ni," an ti. FCS&CA hotute chuan IOC hnenah additional carrying contractor dah turin an ngen tih sawiin an ngenna hi tih hlawhtlin anih chuan harsatna zualpui chu a ziaawm mai an beisei tih an sawi bawk. Hriattheih chinah Central YMA chuan Gas bur tih chingpen bur 604 manin an kawl mek a. Gas phurtu te hian an bur kimlo nen an in report chuan a kimlo ai kha an chawi ve a ngai a. Hei vang hian a phurtu engemaw zat chu Plant ah an in report ngam lova, hei hian harsatna a siam nia thudawn a ni bawk. Naktuk hian FCS&CA Minister John Rotluangliana chuan Gas harsatna chungchang sawiho tur hian mi pawimawhte a meeting pui dawn.
Share now