Spain ram tan international khel phak leh goal khung thei naupang ber Gavi hian 2015 khan Barcelona tan a khel tan a, a contract hi nakum 2023 thleng a la dam chungin contract thar a ziak. 

A contract neih lai mek chu pawt seiin Spain midfielder hian contract thar ziak lehin Barcelona tan 2026 thleng a khel dawn a, a release clause pawh euro billion 1 (£865m) a ni hem mai.

Kum 18 mi hi 2021 August thla khan a hmasa ber turin Barca tan a inlan tan a, hetih hunlai hian kum 17 leh ni 24 mi niin an club chanchina senior team tana khel phak player naupang ber pali na a ni phak a ni. 

Tun season-a Barcelona, La Liga match zawng zawngah Gavi hi a la inlan kim vek a, an club chanchina goal khung theitu naupang ber pathumna niin 2021 December thla khan Elche lakah goal a khung a ni.

Club bakah hian Spain national team tana goal khung thei naupang ber niin kum 17 leh ni 304 a nihin Czech Republic lakah goal a khung a, 2020 kum a, Barca lama a team-mate Ansu Fati a record lo siam tawh chu a khum a ni.