India rama lo zin Gigi Hadid chuan nuam a tih thu leh a hriatreng tawh tur thu a sawi. American fashion model hi Nita Mukesh Ambani Cultural Centre (NMACC) gala-ah a inlan a, milar thahnem tak an fuankhawm a ni. 

NMACC hi April 1 khan hawn a ni a, India rama Cultural Centre lian leh ropui ber a ni. A hawnnah-ah hian Bollywood leh  Hollywood star thahnem tak an tel a, chung zingah chuan - Shah Rukh Khan, Priyanka Chopra, Nick Jonas, Kajol, Ananya Panday leh Kareena Kapoor te pawh an tel. 

Anni bakah hian - Penelope Cruz, Tom Holland leh a bialnu Zendaya pawh an tel a, mipui mitfukna ber erawh fa pakhat nei tawh Gigi Hadid a ni. Kum 27 mi Gigi hian red carpet-ah 'Saree' a inbel a, inhmeh tak a ni. Fashion show ropui tak neih a ni a, model 50 vet zet an inlan - chung zingah chuan Gigi pawh hi a tel. 

A hawnna event-ah hian Varun Dhawan chuan Gigi chu kai chhuakin pawm chungin a vir kualpui a, a biangah a sap chibai zauh bawk. Hei vang hian troll a hlawh zui a, Boney Kapoor pawhin a kawng fek laiah a lo dawm avangin troll a hlawh zui viau bawk.

NMACC hawnna hi a ropui hle mai a, India Met Gala ti hialin social media lamah chuan a lar. Grand theatre-ah hian thutna 2000 zet a awm a, art show, studio theatre leh exhibition hmun tur thlengin a awm hran vek a ni.