Milar inkawp zinga ngaihven hlawh tak Zayn Malik leh Gigi Hadid te chuan chanchin duhawm loh lam an nei mek a, an inkar a khi zau sawt hle. Khawthlang media te chuan Gigi leh Malik te hi an cheng dun tawh lo a, Gigi hian Malik hi Instagram-ah a unfollow tih an tarlang. 

Gigi Hadid-i nu Yolanda leh a makpa Malik te inkar pawh a chhe hle nia sawi a ni a, amaherawhchu, he mi chungchang hi chu Gigi Hadid hian a sawi chhuak duh lo thung. Gigi bakah hian a unaupa Anwar pawhin Malik hi a unfollow ve bawk a, an inkarkhi hi a thuk sawt viau niin a lang. 

Malik hi Gigi lakah hian a che pa mah mah a ni awm a, a hmei-chhe lam hian Pennsylvania Police Department-ah thubuai an thehlut niin an tarlang. Malik pawhin an puhna hi phat buai a tum lo nia tarlan a ni a, thiam loh a chang a nih chuan jail bang zut thei dinhmunah a ding dawn tihna a ni. 

Gigi leh Malik te hi 2015 atang khan an inzui tan a, milar inkawp zingah chuan chanchin ngah leh mite ngaihven ber pakhat an ni - fa pakhat Khai Hadid Malik an nei.