Gigi Hadid leh Bradley Cooper te hi an inkarah eng nge awm hriat ni lo mah se an inhaw lo hle tih hai rual a ni lo. 

Kum 48 mi Cooper hian Irina Shayk nen an inthen hnuah kawppui mumal tak sawi tur a la nei leh lo a, Gigi nen hian sawi zawm an ni mek. Kum 28 mi Gigi Hadid pawh hi Zayn Malik nena inthen a ni a, thlawi law law chhai a fair an tidawn a nih hmel hle. Kumin October thla vel atang khan sawi zawm tan an ni a, thu chiang erawh tun thlengin hriat tur a la awm lo. 

Hadid hian fa kum thum mi Khai a pawm mek a, Cooper hian Irina lakah fa kum 6 mi Lea De Seine a nei ve bawk. An fate hi hun remchangah inhmelhriat tir a, inkawm nel tir an duh niin khawthlang media te chuan an tarlang. Gigi leh Cooper te hi an kum a inthlau hle a, kum 20 zet a tla a ni. 

Mipui vantlang hmuhah an inzui chhuak hmuh tur a la awm meuh lo a, hei vang hian an inkar hi engtiang chiaha thuk nge tih hriatthiam a harsa hle.