Model Gisele Bundchen leh NFL player Tom Brady te chuan kum 13 chhung zet an inneih hnuah an inthen thu an puang. An pahnih hian an Instagram story-ah an inthen thu an an tarlang a ni. Brady leh Bundchen te pahnih hi kum 2006 khan inngaizawng tanin kum 2009 tir lam khan an innei a ni.

Brady chuan,"He thutlukna hi kan pahnihin a kan siam a ni a, in pawh taka hun kan hmang dun thei kha kan lawm a ni," a ti.

Bundchen chuan,"Kan pahnih hian lungrual takin kan fate hi hmangaihna, enkawlna leh ngaihsakna kan pe chhunzawm zel dawn a ni," a ti bawk.

An nupa hian fa pahnih an nei a, an ni pahnih bakah Brandy-a'n a chhass hlui actress Bridget Moynahan laka a fapa neih te nen an cheng ho a ni. 

Brady hian NFL a chawlhsan thu a puan zet tawh hnuah kumin hian NFL lamah a kir leh a, chumi hnuah an inthen thu hi an puang zui leh ta bawk a ni. 

Brady chuan thuchhuah siamin,"Inthen tura thutlukna kan siam dawn hian kan ngaihtuah nasat hle a. A nat dan tur leh hrehawm dan tur te, harsana hrang hrang kan hmachawn tur thlengin kan hmu lawk. Mahse, kan thil tawh ang hi hmun hrang hranga nitin mi tam takin an tawk ve tho a ni. Kan nuna bung thar kan ziah thar leh turah pawh duhsakna kan inhlan tawn a ni," a ti. 

Bundchen hi Brazilian niin kum 1990 bawr atang khan model bul tanin, kum 10 chuang zet chu khawvel-a model hlawh hnem ber pawl a ni chho thei a ni. 

Brady hi ATampa Bay Buccaneers quarterback a ni mek a, NFL-a a season hmasa 20 chhung chu New England Patriots tan a khel a ni.