Sir Paul McCartney chuan Glastonbury 2004-ah khan headline a lo chang tawh a, kumin pawh a inlar leh dawn. Paul McCartney bakah hian Kendrick Lamar leh Billie Eilish te chuan headline an chang dawn a, Sam Fender, Olivia Rodrigo, Foals leh Wolf Alice te chu Glastonbury Festival-a inlan tur zingah hian an tel bawk. 

Glastonbury Festival hi JUne thla khian neih a ni dawn a, zaithiam inlan tur an thahnem hle. Paul McCartney hi he festival-ah hian a mikhual lo hle a, kuminah pawh hmun pawimawh a chang leh dawn. Glastonbury Festival-a headline chang thei upa ber a ni dawn a, American singer Billie Eilish chu he dinhmun luah thei naupang ber a ni dawn thung. 

Kum 20 mi Billie Eilish hi 2016 hnua hmeichhe zinga headline chang leh thei hmasa ber a ni dawn bawk. Kum 2020 khan Taylor Swift chu sawm ni mahse covid-19 avangin festival hi thulh  ani. Pulitzer Prize hial dawng thei American rapper Kendrick Lamar hi Super Bowl Hal-time Show-a inlan zo hlim a ni a, Glastonbury Festival khartu atan an hmang leh dawn a ni. 

Music festival thangduang ber zinga mi Glastonbury Festival-ah hian - Doja Cat, Megan Thee Stallion, Phoebe Bridgers, TLC, Wet Leg leh  jazz icon Herbie Hancock te chu a vawi khat nan an inlan dawn bawk.