Aizawl February 27, 2023: Government Mizoram Law College (GMLC) Students Bar Council te chuan an building January 4, 2022 a zawh hman tura tih vawiin thleng zawh a la ni lo chu hriatthiam harsa an tih thu leh building sak lai chu a sak a chhiat avanga leh an hmanraw hman te a tha tawk lo tiin chhunzawm chi-ah an ngaih loh thu an sawi.

GMLC building hi Rustriya Uchatar Shiksha Abhiyan (RUSA) 2.0 Component 9 Infrastructure Grants of College hnuaia Cheng 1,70,00,000 hmanga Sky Ridge Construction & Consultancy Service te hnena contract an pek May 4, 2020-a work order pekchhuah, January 4, 2022 a zawh hman tura tih chu vawiin thleng zawh a la ni lo an ti. January 2022 a zawh hman tura tih atanga thla 12 hnuah pawh 40% chuah zawh a la nih chunga RUSA lamin Cheng 1,17,96,000 an release chu hriatthiam har an tih thu an sawi.

Contractor Sky Ridge Construction & Consultancy Service ten an thawh chin hi a chhe hle niin an sawi a, a ban leh beam inzawmna te pawh a khi nasa niin an sawi a, a slab chhun pawh tha tawk lo tiin a su thei niin an sawi. Insakna tura an rod chhawpchhuah te pawh a tui-ek nasa an ti a, Student Bar Council te chuan a structure sing lai hi chhunzawm zel chi-ah an ngai lo bawk.

GMLC Students Bar Council te chuan ram leh hnam tana pawimawh tak zirna In hrang hranga hna thawk tura contractor rintlak loh leh hna chhe lutuk mai duhsak taka sawrkarin Restricted tender hmanga an thawh zawh lo leh vil zawh loh contract an pe thin chu an dem tih an sawi a, zirlaite hma-khaw ngaiah vangin pe tawh lo turin sawrkar an ngen bawk a ni.