DOWNLOAD OUR APP

Read latest news on your phone
app-store

Google Chrome hmangtu an tam ber

Jun 19, 2022

Internet browser zingah Google Chrome chu hmangtu tam ber an ni a, mi tluklehdingawn 2.6 (2.6 billioan) zetin an hmang mek. Hetih lai hian tun hnai khan thu thar an nei a, he browser hmangtute chu upadate ti thuai turin an ngen. 

Internet browser zingah Google Chrome chu hmangtu tam ber an ni a, mi tluklehdingawn 2.6 (2.6 billioan) zetin an hmang mek. Hetih lai hian tun hnai khan thu thar an nei a, he browser hmangtute chu upadate ti thuai turin an ngen. 


June 9, 2022 khan Google Chrome hi upadate a ni a, version thar 102.0.5005.115 a awm tawh. Update thar hi hmang turin Google chuan mipui an ngen a, fimkhur thilah update ngei a finthlak ang. Update thar hi Windows, Mac leh Linux tan a hman theih a, security pawh a hma zawng aiin a tha nia tarlan a ni. 
US Cybersecurity & Infrastructure Agency (CISA) chuan security thilah browser hi update a finthlak niin an sawi a, hei hi zawm mai a finthlak ang. Chutih rual chuan a him ta lo viau e tihna erawh a ni lo a, a him leh zual zawk zia tarlanna mai a ni.


Google Chrome hi tun dinhmunah chuan khawvela web browser lar ber te zinga mi a ni a, Microsoft Windows chuan kum 2008 khan hman theihin an chhawpchhuak tan. Apple WebKit leh Mozilla Firefox atanga free software component hmanga siam niin, a hnuah Linux, macOS, iOS, leh Android-ah te port a ni a, chutah chuan default browser a ni.


StatCounter chuan October 2021 thleng khan Chrome hian khawvel pumah personal computer (PC) ah browser market share 68% lai a nei niin a chhut a, tablet-ah hman tam ber niin smartphone a pawh a thunun hle. Google chuan 'Chrome' brand hming chu product dang - Chrome OS, Chromecast, Chromebook, Chromebit, Chromebox leh Chromebase-ahte a kalpui mek bawk. 

Share now