ZALEN August 3, 2023 : Mizo Students’ Union General Headquarters, Aizawl-in Central Agricultural University (CAU), Manipur-a Mizo zirlaite an him zawkna tura hmun danga an zirna an chhunzawm theih nana hma a lakna kal zelah Larsap Hari Babu Kambhampati leh CAU, Manipur Vice Chancellor Dr. Anupam Mishra te hnena an thlen anga CAU Mizo zirlaite tana hma an laknaah MSU chuan lawm thu an sawi.

MSU chuan Central Agriculture University (CAU) Mizo zirlaite chu an zirna kawnga an bahlah loh nan leh hatsatna an neih loh nan a en chhunzawm zel dawn an ti a, a tul anga hma laksak turin a inpeih reng thu an sawi. Larsap Hari Babu Kambhampati leh Central Agricultural University (CAU), Manipur Vice Chancellor Dr. Anupam Mishra te chungah MSU thlen anga CAU Mizo zirlaite tana hma an laknaah lawm thu an sawi a ni.

July 31, 2023 khan MSU hian Larsap Hari Babu Kambhampati hova ruahman angin CAU, Manipur Vice Chancellor Dr. Anupam Mishra chu Manipur atanga Aizawl lo kalin ni August 2, 2023 tlai dar 04:30 khan MSU hruaitute nen inkawm ho a ni a. Vice Chancellor chuan CAU Mizo zirlaite harsatna chu hrethiamin MSU hruaitute nen an harsatna chin fel dan tur chu sawi ho a ni. He ruahmanna hi Larsap nena nemnghet tura thu dah a nih angin inkawmna neih zawh hian Vice Chancellor chuan Governor a hmu nghal a ni.

Ruahmannaah chuan–
• Zirlaite institution danga Transfer a rei palhah proceeding alternative atan Online hmanga class registration & exam kalpui turin.
• RAWE (Field inspection/training) chu Mizoram chhunga KVK leh ICAR-a neih theih turin.
• Exam hmachhawn turte tan a tul anga Exam Centre Aizawl-a sawn turin.