ZALEN Aug. 1, 2024; Mizoram Rural Bank chuan Retail Payment/Digital Service chungchanga harsatna awm chu pawi a tiin, MRB Head Office aṭanga chinfel mai theih a nih si loh avangin customer-te hriatthiamna a ngen.

MRB in thuchhuah an siama tarlan a nih danin, India ram chhunga Regional Rural Bank 14 (Mizoram, Meghalaya, Arunachal Pradesh, Nagaland, Andhra Pradesh etc.) leh Cooperative bank thenkhat chuan NPCI Retail Payment/Digital Service (UPI hmanna - GPay, PayTM, PhonePe, IMPS leh a dangte)-ah harsatna hun eng emaw chen kan tawk ta a.

Hemi harsatna hi heng bank hrang hrangte Service Provider, C-Edge Techologies Ltd.-in buaina an tawh avang niin, he buaina hian an enkawl bank-te tawrhna a thlen lohna turin Retail Payment service-te hi NPCI chuan a titawp rih a. NPCI (National Payments Corporation of India) hi India rama retail payment (UPI – PayTM, Gpay, PhonePe, BHIM etc) enkawltu leh thuneitu a ni.

Hemi harsatna chungchang leh a rang thei anga chingfel tura NPCI leh C-Edge Technologies Ltd.-te chuan theihtawp an chhuah thu nimin (31/07/2024) khan Press Release NPCI chuan a chhuah a. Press release chhiar duh tan link-ah hian click mai tur a ni. https://www.npci.org.in/.../NPCI-Press-Release...