Recording Academy ten kumtina an sem thin Grammy Award chu thla thar khian sem a ni leh dawn a, he huna perform tur zingah hian BTS an tel. South Korean boy band lar hi award dawng tura chhawpchhuah zingah an tel bakah an perform dawn a, kum zawna an inlan thei tur hi fans tan chuan chanchin lawmawm tak a ni ngei ang. Anni bakah hian khawvel huapa zaithiam lar ber ber an inlan dawn bawk a ni. 

Billie Eilish leh Olivia Rodrigo te chu inlan tur zinga ngaihven hlawh ber tih ngam an ni a, Brandi Carlile, Brothers Osborne leh Lil Nas X ft Jack Harlow te an inlan dawn bawk. BTS hi Best Pop Duo/Group Performance cetegory-ah an hla hit 'Butter' hmangin nomination an hmu a, award an la ang em tih hunin a hril dawn a ni.  

64th Grammy Award hi April 3 khian MGM Grand Garden Arena, Las Vegas-ah sem a ni dawn a, CBS leh Paramount+ ten an pechhuak dawn a ni.