Aizawl July 15, 2022 : Millenium Centre-a Grape Wine dawr neitu Lalhriatpuii (L), Dawrpui Vengthar chu MPYCC-i a chenna inah an ral a, Congress Thalaite hian chhiatna rapthlak tak thleng avang khan Aizawl khawpui hmun remchangah flag dum leh thuziak tarin an hnatlang zui nghal bawk.

Lalhriatpuii (L), Dawrpui Vengthar ralnaah hian MPYCC Vice President  Laltawnliana chuan, "Mizoramah mipuite dikna leh zahawmna rahbeh mek a ni a, hemi hi Congress Thalaiin kan duh lo hle a, hei vanga he thihnaah pawh dikna a thlen theih nana hma la pawh kan ni a. He thil hi politics vanga ti kan ni lo tih hi kan sawi nawn duh bawk a ni," a ti. 

"Vawiina kan rawn kal avang hian Congress party hi in chhungkuain lo hawi ula kan ti lo, kan rawn tawrhpui che u a ni tih hi kan rawn ral chhan che u chu a ni. He thihna avang hian keini thalaite chuan kan dikna leh chanvo kan laklet leh theih nan theih tawp kan chhuah a ni. He thihna rapthlak tak hi nangmahni chauh chhiat tawhna ni lovin, Mizo mipuitena chhiat kan tawhna a ni," a ti bawk.