Aizawl; Mizoram sawrkarin zu phalrai a tum thu a sawi atangin Grape Wine 'Zawlaidi' leh 'Zo Wine' te chu hralh a kal lo hle a, Grape chingtute chuan Grape atanga zu siam phal mai turin sawrkar ngen an tum. ZALEN palai in Hnahlan leh Champhai Grape Growers Society hruaitute a biak naah Society pahnih hruaitute chuan Mizoram sawrkar in zu thlah zalen a tum thu a puan hnuah sap zu 'A senchi' a zalen a, hei vang hian Grape chu hralh a har hle tih an sawi a. Hnahlan leh Champhai a Winery ah pawh grape tui hralh loh engemaw zat a la awm niin an sawi bawk. Hnahlan Grape Growers Society hruaitute chuan, "A siam dan kan tih danglam loh chuan kan tan kalngaihna a awm dawn lo a, grape atang hian Brandy leh Whisky pawh siamtheih kan beisei a. Sawrkarin MLTP Act a her danglam dan tur hi kan nghak phawt ang a, a tul dan a zirin sap zu siam pawh dil a ngai mai thei a ni," an ti. Champhai Grape Growers Society hruaitute pawhin sawrkar thil kalpui dan an ngaichang mek tih an sawi bawk. Kumin ah hian Grape a rah tha a, Hnahlan hian quintals 6000 chuang deuh thar an beisei a, Champhai lamin quintals 1000 vel an beisei bawk.