Aizawl: Tlawng lui atanga Aizawl tui in tur lakna ah gravity a tui pump theih anih avangin kum 1-ah Rs. 1,68,43,500 hum a ni.

Aizawl tui in tur Serlui A gravity scheme hi Lungleng kai chhak ah, Tlawng lui khuapin electric leh diesel hmang lovin Dihmunzawl thlenpui a ni a, Lungleng kai atanga Dihmunzawl thleng tur hian pipe lian chi, km 7 a thui zamchhuah vek a ni. Aizawl Greater Water Supply Scheme phase I leh II atan hian thla khatah diesel litres 75,000 vel hman a ni thin a, mahse gravity hmanga tui pump theih anih tak avang hian thla khata diesel senso tur hi litres 37,000 ah a tlahniam dawn ta a ni. Lungleng kaia tuikhuah hi tui tam lai thla 5 chhung vel rin theih tura beisei a ni a, tui lakna hi nimin khan PHE Minister Zodintluanga hian a tlawh a ni.