ZALEN September 17, 2025: Commissioner of State Tax Mizoram chuan thuchhuah a siamah, bungraw tam takah Central lam atangin Goods and Services Tax (GST) tihniam anih avangin GST tihniamna bungruate chu a zawrh chhuahna man India ram pumah a tlahniam dawn tih thuchhuah an lo siam tawh a. GST 2.0 hnuaia GST rate thar hman tur bawhzuiin Taxation department ten market survey an nei mek.

September 22, 2025 atanga GST Rate thar hman anih dawn avangin Taxation officer ten Sumdawng te hnen atangin GST Rate hniam hmaa bungrua an zawrhna price (wholesale leh retail) an collect mek, Mizoram chhunga dawr hrang hrang an tlawh kual mek a, GST 2.0 hnuaia GST rate thar hman tur bawhzuiin Taxation department ten markey survey nei mek a ni. Mizoram-ah pawh GST hniamna bungruate chu man hniama zuar turin an hriattir a.

A tlangpuiin chhiah hniamna bungruate hi 7%-10% te a ni tlangpui a, lang thamin bungraw man a hniam dawn tihna a ni.

Taxation Commissioner chuan GST tihhniamna bungrua a man to a hralh luite chu dan anga hrem theih an nih thu thuchhuah a siamah a tarlang a. Hetiang tihching sumdawngte chu report turin mipui lam a chah bawk a ni.