Pep Guardiola chuan, Premier League match an khelh leh tura Manchester City fans tam zawk en tura a sawmna kawngah ngaihdam dil a tum lo. 

City manager hian Zirtawpni khan, "Inrinni zana Saint nena Etihad Stadium-a an inkhelh hunah tantu mipui tam zawk kan mamawh ni," tia a sawi chu an club fans ten a nilo zawngin an la kawi mai zawk niin a sawi. "Stadium an khah loh avangin ka hnual tiin ka sawi em?" tiin zirtawpni khan a ang chhuak. 

"Thil awmzia sawifiah satliah ka ni a, sawifiahna chu sawifiahna a ni mai, kha thil thleng vang khan ngaihdam ka dil nachhan tur ka hre lo. Season liam ta kha a harsat zia ka hria, chu vangin thawh ho ka sawm mai a ni," a ti. "Mi engzatin nge a hmunah min tawiawm tih lam a ni lo, kan chakna hnar an ni. Inrem taka kum nga chhung kan thawh ho hnuah min hrethiam duh lo lui a, ngaihdam ka dil nachhan tur ka hre lo," tiin a thu sawiah huat leh ngaih kawih tur a awm loh thu a sawi. 

Etihad Stadium-ah hian mipui 55,000 bawr an leng a, RB Leipzig nen UCL an khelh tum khan mipui 38,062 an pung khawm a, thutna ruak tam zawk hi away lam thutna tur a ruahman a ni. City hi supporter lamin an tawiawm chhe ngai lem lo a, tun season-a an home league game pahnih Norwich (51,437) leh Arsenal (52,276)  an khelh tum pawhin fans an ngah hle a ni. zet ten inkhel entu nen a inhnaih thuak tho. 

Kevin Parker, City's official supporters' club GS chuan, “Pep hian Nilaini zan dar 8-a inkhel en tura chhuah harsat zia a hre lo a nih hi, kan chechhe hran lo,” a ti thung.