Canadian singer The Weeknd chuan Guinness World Record buah hming a ziah belh leh ta a, khawvela artist lar ber nihna a chelh thar. Guinness World Record (GWR) in a tarlan dan chuan, kum 33 mi hi kawng hrang hranga tehin khawvela artist lar ber 'most popular artist in the world' a ni. 

The Weeknd hi Guinness World Records-ah tum hnih a hming a lo lang tawh a, a vawi thum nan a hming thailan a ni leh ta. Kum 2016 khan Spotify-a album stream hlawh ber record a lo siam tawh a, thla khat chhunga hla ngaithlatu maktaduai 100 nei kai hmasa ber record a lo siam tawh bawk.

The Weeknd hian Spotify-ah hian monthly listener maktaduai 111.4 zet a nei a, amah hnaih bertu chu Miley Cyrus a ni. An inkar erawh a zau hle mai a, Miley Cyrus hian maktaduai 82.4 a nei kai ve hram a ni. 

Miley Cyrus hi Shakira (81.6 million) chuan a dawt leh a, Ariana Grande (80.6 million), Taylor Swift (80.2 million) leh Rihanna (78.5 million) te chu a sang zual zingah an tel bawk. Mipa lamah chuan Ed Sheeran (77.5 million) chu thleng sang ber dawttu a ni a, The Weeknd a phak lohna chu tam tak a ni.