Guitar legend Jeff Beck a thi
British guitar legend Jeff Beck chu kum 78 mi niin January 10 khan a thi tih BBC chuan a tarlang. A thih thu hi Twitter kaltlangin puan a ni a, rimawi khawvela huhang ngah ber zinga mi thih thu hian khawvel a dengchhuak hneh hle. 

A official Twitter page chuan a thih thu hi a rawn nemnghet a, hun harsa tak an tawh lai hian a kalsan tak a chhungte chu zah hram turin a ngen nghal bawk.

Jeff Beck hi Bristish rock band Yardbirds atangin hriat a hlawh chho tan a, he band-ah hian Eric Clapton hmun ruak a luah hneh hle. Music lamah heavy metal, jazz-rock leh even punk lamte a tuipui a, kum 1960 chha kha chuan a lar vet vet hle. 

Jeff Beck hi kum 2009 khan a vawi hnih nan Rock and Roll Hall of Fame-ah lakluh a ni a, hemi tum hian thu sawiin, "Ka duh dan leh ngainat danin music ka play mai thin, chu chuan ka lawm a tikim thin. Hla khatah hian vawi 10 vel tal ka duh dana ka play loh chuan a kim thin lo," tiin a lo sawi tawh a ni.