Aizawl: Governor Lt. Gen. Nirbhay Sharma leh German Consul General Dr. Michael Feiner te chu Zirtawpni zan khan Raj Bhavan-ah an inkawm. An inkawmna ah hian Larsap chuan hun reilote chhunga Mizoram hmel a danglam nasat thu leh hma a sawn chak thu a sawi a. Tourism, horticulture leh food processing-ah hmasawnna tur tam tak a awm thu sawiin, project hrang hrangah German sawrkar leh mi mal kaltlanga thawhhona tha an neih a duh thu a sawi bawk a ni. Dr. Michael Feiner pawhin tunhnaiah sawrkar laipuiin hmarchhak bial tihmasawn turin hma nasa taka a la nia a hriat thu a sawi a. Mizoram leilung awm dan chu tourism atana a that thu sawiin, mipui pawhin rilru inhawng taka, a danglam biknate zuar thiam tura a duh thu a sawi bawk.