ZALEN Victim of Crime Compensation Committee, Lunglei chu nimin khan ṭhukhawmin, Mualṭhuam North tleirawl, H. Lalramdinpuii hnenah crime compensation cheng nuai 6 pek an remti. 

ZALEN thudawnna Zonet JB-in a tarlan danin Victim of Crime Compensation Committee hi District and Sessions Judge's office chamber-ah thukhawmin chairman R. Lalduhawmi chuan a kaihruai.

Committee hian Mualthuam tleirawl H. Lalramdinpuii, tunhnaia misualin an thah chu, crime compensation cheng nuai 6 pek a remti a, pawikhawihna tuartu mi dang 6 pawh compensation pek nise a ti bawk a, heng mite nihna erawh an puangzar lo thung.

The Mizoram Victim of Crime Compensation scheme 2011 in a tum ber chu pawikhawihna avanga taksaa hliam tuar, nunna chan emaw harsatna tawk in tungnung zo tawh lo enkawlna mamawhte leh an chhungte chhawmdawlna atan crime compensation hi pek thin a ni.