ZALEN September 11, 2024 : Vawiin khan President of India, Smt Droupadi Murmu chuan kumin atan India ram chhunga Nurse thawk laite tana chawimawina sang National Florence Nightingale Awardschu Rashtrapati Bhavan-ah a hlan a, an zingah hian H. Mankimi, Serchhip a tel.



Mizoram atanga National Florence Nightingale Awards 2024 dawng tur hian President of India chuan District Hospital, Serchhip-a Ward Superintendent nilai Ms. H. Mankimi chu Rashtrapati Bhavan-ah vawiin hian a hlan a ni.

He chawimawina hi kum 35 nurse hna thawk tling tawh staff nurse an nihna anga hnathawk tha, hmeichhia te hriselna kawnga thawhhlawk te hnena hlan thin a ni a, President of India chuan National Florence Nightingale Awards 2024 hi H. Mankimi hi a hlan ta a ni. Ani hian Ward Superintendent (Senior Nursing Officer) hna District Hospital, Serchhip, Mizoram-ah a chelh mek a ni.

2007 atanga khan he award hi President of India remtihna-in a thlan dan siamthat a ni a, 2007 atanga khan kum tin mi 35 hnenah he award hi hlan thin a ni a. Mizoram atanga 2007 leh 2024 inkarah hian mi 12-in National Florence Nightingale Awards hi an lo dawng tawh a ni.