ZALEN August 13, 2026 : Postmortem report result atanga a lan danin Mualthuam North tleirawl, H. Ramdinpuii thih chhan a dula chemte a vih vang a ni.

Zonet Jb atanga ZALEN thudawn danin H.Ramdinpuii ruang hi August 6 khan endik niin postmortem report hi medical lam atangin nizanah an dawn thu police-ten an sawi.

August 3 zan atanga a chin hriat loh, August 5, 2026-a a ruang hmuh tak Mualthuam North tleirawl thih chhan hi a dula chemte a vihna vang a nih thu leh hmeichhiat mipatna rawngkaia chetna a awm loh thu Lunglei Police ten an hrilh thu an sawi.

Police hian an khua atanga tualthahna hmanrua nia hriat chem leh hnuchhuina pui thei tur an lakte chu forensic thiamten an endik mek thu an sawi bawk.