Nizan Champions League group G inkhelah Manchester City chuan si nga faia hnehin UCL atangin Copenhagen an hnawtchhuak. He inkhelhah hian an goal thun khawl Erling Haaland chuan a goal hnih a khung belh khung belh lehin record ropui a siam. 

Haaland hian Champions League match 22 a khelhah goal 28 a khung tawh a, Copenhagen laka a goal hnih hian UCL bika Ruud van Nistelrooy-a record ding lai match 30-a goal khung hnem ber record chu a khum ta chiah bawk.

Haaland hian first half-ah goal hnih a thun a, chawlh hahdam turin la chhuak lo ngat se, a tum li nan City tan hattrick a siam ngeiin a rinawm. Tihian Pep Guardiola-a hnuaiah game 12 khel tawhin goal 19 a khung der tawh a ni.

Haaland-a a awm loh hnu pawhin khingpui Danish lam tan City hi an la thiam mah mah a, Copenhagen keeper Kamil Grabara chetthat zan ni lo phei seng si 5 aia tam an phur ngei ang. 

Kar hmasa Pathianni a an ṭhenawm Manchester United an sawp hnuaa a inlan lehna hmasa berah hian goal thun turin minute 7 bak a mamawh lo, a hnu minute 39-ah a goal hnihna a thun leh bawk. A bakah hian penalty atangin Mahrez an goal a khung a, Alvarez-a goal thun tur a siam sak bawk. Khocholava'n an mahni lamah a tih luh bawk vangin 5-0 in an chak ta a ni.