Borussia Dortmund striker Erling Braut Haaland leh Manchester City te chu an inhnaih tawh hle niin Guillem Balague chuan a sawi. Haaland-a contract hi 2024-ah a tawp dawn chauh a, mahse tun season tawp hian lei chhuah theih a ni tawh thung dawn a, a release clause hi euro maktaduai 75 a ni. 
   

Balague chuan Norway forward, kum 21 mi hi Real Madrid lamin an lak hma ngeia City lam hian lak luh an tum a rin thu a sawi. Balague, BBC Sport's European football expert chuan,"Manchester City lamah a luh ka ring. Inremna thu ziah chu ala awm chiah lo naa, an inhnaih tawh hle a ni," a ti. 
   

Man City, Real Madrid leh Barcelona te chuan Haaland hi lak an duh vek a, mah se Red Bull Salzburg striker hlui hian Barca leh Real te aiin Premier League hmahruaitu hi zawm a duh zawk niin a lang. 
   

Haaland hian Real Madrid lam hi pan hreh chhan a nei nia sawi a awm a, a hreh chhan lian ber chu France striker, kum 34 tun hnaia khel tha em em Benzama niin an sawi. Anni pahnih hi position inang an nih vangin Haaland hian nek chhuah zawh loh palh a hlau a ni awm e. Champions League player ropui Benzama hian tun season-ah a club tan goal 39 zet a thun tawh. 
   

Manchester City ten lak an tum Haaland hian tun season-ah Dortmund club leh a ram tan game 31 khel tawhin goal 33 a khung tawh a, a khelh mekna club Dortmund hi German Cup-ah a cham- pion pui tawh bawk a ni.