Aizawl November 2, 2023 : Hachhek Constituency BJP Official Candidate Malsawmtluanga chuan a bial chhung khaw hrang hrang fang kualin, Hachhek Bial te eizawnna pui ber an kuhva thar chhuah hralhna tur chungchanga hma an laksakna kal zelah Kuhva rah hralh turin phurhchhuah mek a ni a. Hachhek Bial te harsatna sutkian zel a ni a ti.

Malsawmtluanga chuan Mizoram sawrkarin Hachhek bial chhunga kuhva chingtute harsatna an ngaihsak loh thu sawiin, "Thla hnih kal ta khan Kuhva chingtu pawl aiawh ten Mizoram CM Pu Zoramthanga puihna dil an tum a, pawl aiawha Kuhva chingtute GS in CM hmuh a tum chu, CM hian hmu duh lovin, beidawng takin an haw leh a ni. Hetianga mahni khua leh tui te harsatna ngaipawimawhlo tu leh ngaihthah tu CM kan nei hi apawi ka ti hle a, vawiinah hian Hachhek Bial mipuite harsatna chu Central hruaitu te bakah Assam hruaitu te nen sawi ho niin, vawiin ah chuan kuhva rah ngei pawh phurh tlang a ni ta hi alawm awm hle a, Mizoram-ah Double engine Government kan neih ngei theih nan leh Hachhek Constituency in kan eizawnna pawimawh ber pakhat Kuhva hralh kawnga harsatna kan neih loh na turin BJP MLA kan neih a, in tan a khawi hmunah pawh ding turin ka in peih a ni," a ti.

Malsawmtluanga chuan, "BJP chu Mipui tana ding kan ni a, mi zawng zawng huap zo Party kan nih avangin vawiin ah pawh Bial chhung harsatna su kiang turin theihtawp kan chhuah a, a rah kan seng nghal thei hi alawm awm hle a, Sihthiang Public Meeting a Patharkandi A/C MLA Pu Krishnendu Paul-in Hachhek Constituency ah BJP Candidate thlan tlin anih chuan insumdawn tawnna a harsatna te chu lak kian a ni dawn a tih bawk avangin, Party dang ten an tih theih loh keini BJP chuan Kan Party puite hnen a sawi kan nih avang leh inrintawkna kan neih avangin kan harsatna te chu lak kian a ni zel dawn a ni," a ti bawk.

Malsawmtluanga chuan tun huna kuhva thawnchhuah hi Pick-up Motor Trip 2 (Bag 120) leh Rengdil, Hriphaw, Kawrthah, Zamuang Khua atangin Motor Trip ruk (6) HBKCP challan hmang a kal tir a ni a ti bawk.