November 23, 2023; Krismas leh Kumthar vuak veta halpuah leh puakthei hal thinin boruak bawlhhlawh, mihring tana hlauhawm a siam thin avangin kuminah pawh hetiang halpuah leh halmawi hrang hrang khap a ni leh dawn.

Tunhnai khan Chief Secretary Renu Sharma hovin Secretariat Conference Hall ah hemi chungchang hi sawiho a ni a, hunpui lo thleng turah ah hian ruihtheih thil pawh khauh taka khap a tul thu te leh halpuah leh halmawi hal hian mihring hriselna atana thil pawi a thlen thin avangin mitin hal lo tura ngen ni se tih te an rel a ni.

Hemi kawnga hmalakna a hlawhtlin theih nan Chief Secretary chuan mitin thawhhona a pawimawh thu sawiin mi zawng zawng tang tlang turin a ngen.

He meeting ah hian Home Department, Forest Department, Health Department, AMC, Pollution Control Board hotute bakah Aizawl DC leh tlawmngai pawl hotute an tel.