ZALEN January 20, 2026: Planning & Programme Implementation Dept. Committee Room ah Mizoram State Policy Coordination Committee (MSPCC) Handholding Scheme chungchangah meeting neih a ni a. Chief Minister hova lo sawiho tawh leh a remtihna bawhzuiin Union Bank nen thawhhona thuthlung MoU ziah a ni.

He hun hi hand Holding Scheme Vice-Chairman Dr. KC Lamalsawmzauva chuan a kaihruai a, MoU sign naah hian Mizoram Sawrkar aiawhin Lalmalsawma Pachuau, Secretary to Govt. of Mizoram chuan a hming ziakin, Union Bank aiawhin Dr. Suvajit Samanta, Regional Head, RO Jorhat chuan a hming a ziak a ni.

Meeting-ah hian Scheme hnuaia Phase 2 a dilna luh dan leh Nodal department te hmalakna thlirho a ni a. Partner Bank ten loan an pek tawh dan te sawiho a ni bawk.

Phase-I hnuaiah Loan dilna 11439 lut-ah 751 approved niin, CM Special Package 29571 lut-ah 2255 pek a ni a. Phase-II hnuaiah loan dilna 453 lut-ah 36 chu approved tawh niin, CM Special Package dilna 40878 lut tawhin, approved zat hi 463 a ni. 

Phase-I leh Phase-II hnuaiah SBI chuan an bank a dilna lut zinga 47% (81) loan an pechhuak tawh a. MRB chuan 55% (244) pechhuakin, MCAB chuan 75% (44) an pechhuak tawh bawk.