Harley-Davidson 440 chu India ramah tlangzarh a ni dawn a, September thla khian tlangzarh a ni ang. A man hi ₹ 2,50,000 atanga ₹ 3,00,000 inkar vel ni tura beisei a ni. 

Harley-Davidson 440 tlukpui tur bike hi a awm nual a, Benelli Imperiale 400, QJ Motor SRC 500 leh QJ Motor SRC 250 te an awm. Royal Enfield Shotgun 650 pawh a chhuak hnai a, June thla hi chuan India ramah tlangzarh hman beisei a ni. 

Harley-Davidson India chuan tun hnai khan 440 thlalak thenkhat chu an pho chhuak a, mipuiin an ngaihven nghal hle. Harley-Davidson ngainatute tan chuan a nghahhlehawm khawp ang le. LED headlight a ni dawn a, LED indicator a hmang bawk ang. 
A design hian Harley-Davidson XR1200 a pawl viau a, danglama tam tak erawh a nei chiang. Company lam chuan mechanical specification an la tarlang lo a, six-speed gearbox a ni dawn tih erawh a chiang tawh thung. 

Harley-Davidson 440 hi Hero MotoCorp chuan a remkhawm hna an thawhpui a, India ramah zawrh chhuah thuai a ni dawn e.