Mipui nghahhlelh em em Harley-Davidson X440 chu vawiin atang hian India ramah hralh chhuah tan a ni dawn ta. 

Khawvela motorcycle siam chhuaktu lian ber Hero MotoCorp chuan Harley-Davidson X440 hi July khan vantlang hmuhah an lo phochhuak tawh a, booking an hawng zui nghal. Thla rei lote chhungin booking 30000 dawn a awm nghal a, heng booking te hi an pe chhuak tan dawn ta a ni. Booking hi hawn thar leh nghal a ni dawn bawk a, hralh a kal cher cher hle tura beisei a ni. Hero MotoCorp hian September 1 atang khan test ride an lo kalpui tawh a ni. 

Harley-Davidson hi American company lian niin, Hero MotoCorp thawhpuiin Harley-Davidson X440 siam hna hi Neemrana, Rajasthan, India-ah an kalpui a ni. Model chi thum - Denim, Vivid leh S te a awm a, Denim hi Rs. 2,39,500 man vel niin, Vivid leh S te pawh Rs. 2,59,500 leh Rs. 2,79,500 man vel a ni. S hi an book nasat ber niin, a man pawh a to ber a ni.