DOWNLOAD OUR APP

Read latest news on your phone
app-store

Harriet Dart-i laka ding chang Emma Raducanu-i’n 3rd round lut

Mar 13, 2022

Indian Wells khelh mekah British nula Emma Raducanu-i chuan third round lut turin France mi Caroline Garcia a hneh a, world raking-a 122-na Dart-i chuan tum 3 zet world number nih tawh Elina Svitolina chu a hneh bawk. Mipa lamah Andy Murray chuan Daniel-a hneh ve thung.

    Indian Wells khelh mekah British nula Emma Raducanu-i chuan third round lut turin France mi Caroline Garcia chu  6-1 3-6 6-1 in a hneh. 
   

Kum 19 mi British number one hian 3-0 a hma hruaiin break point tum nga zet a neih hnuah 6-1 in set a la thei hram a, set hnihnaah chuan Garcia hian tum thum zet rawn nih rualpui chhovin Raducanu hi 3-6 in a rawn hneh ve thung. set thumnaah US Open champion hi rawn thangharh thar lehin 6-1 zetin a rawn chak leh. 
       

Hetihlai hian British mi ve tho Harriet Dart chuan tum 3 zet world number nih tawh Elina Svitolina chu darkar hnih leh minute 17 chhungin 2-6 6-3 6-3 in a hneh ve bawk.
   

Ukrainian nula seeded 12-na hian set hmasa ber chu a khel tha hle a, Svitolina-i chet ve hmain 2-6 in set a la fel der. Mahse, British number 3 na hian tlawm mai a tum lo, theih tawpa bei letin 6-3, 6-3 in a rawn lehthal leh thei. 
   

Qualifier atanga lut chho ve hram world raking-a 122-na Dart hian round thumnaah Estonia mi Kaia Kanepi a hmachhawn dawn a, Raducanu thung hian Croatia mi Petra Martic a hmachhawn thung ang.
   

World ranking 13-na Raducanu chuan, “World no. 4 ni hlui Garcia hneha round sang zawk luh hi thil ropui tak a ni,” a ti. A khelhpuinu fakin a chakin a rang tak zet a ni, set hnihnaah phei chuan ka che hman lo a chha a ni. Set thumnaah chuan ka insiam rem a ngai tih hriin ka khelh dan ka thlak a, ka tum leh duh ang takin ka khel chhuak thei bawk a, ka lawm tak zet zet a ni. In khelh hautak tak a ni,” a ti bawk. 

Indian Wells-ah tho hian ATP Tour bika tum 700 a chakna turin Andy Murray chuan Taro Daniel hnehin round sang zawk a lut. Hmanni lawkah Andy Murray hian a coach hlui Ivan Lendl chu a chhawr nawn leh a, eng chen tak thlen pui ang maw!
   

Andy Murray hi set hmasa berah a tlawm chiang hle a, mahse rawn kir leha 1-6 6-2 6-4 in a hneh let leh thei a ni. Briton Murry hian game thumnaah break point tum hnih nei zet mahse a inchhan him zo lo va, minute 28 chhung lekin Daniel-a hian set khatna a la thei a ni. 

Share now