Manchester United ten Norwich City 3-2-a an hneh tum khan Cristiano Ronaldo chuan hat-trick a siam a, United tan tun season-a goal 20 chuang a thun tlin tak vangin United lam atangin bonus cheng 84,736,5000 a dawng dawn. 

Sun chanchinbuin a tarlan danin Ronaldo leh United inremna thuthlungah khan season khat chhunga goal 20 a thun tlin chuan bonus a dawn theih dan tur a awm ni a, tun season chhunga goal 18 nei tawh Ronaldo chuan Norwich laka goal thum zet a thun bel vangin an thu tiam angin United lam chuan Ronaldo hi bonus an pe dawn ta a ni. An contract-ah chuan Ronaldo hian goal 20 a thun tlin chuan bonus atan £750,000 an pe ang a, goal 20 bakah hat-trick a siam leh avangin £100,000 an belh leh dawn a ni. 

Hei mai hi ala nilo, tun season chhunga match 7 khelh tur an la neihah hian Ronaldo hian goal a thun apiangin £100,000 zel a dawn bel thei tawh dawn tihna a ni chu. Hetiang a nih chuan tun season chhunga goal 30 a thun tling a nih chuan Ronaldo hian £2.75million bawr a dawng thei ang. 

United hian tun season chhunga an club tana goal thun tam ber hnenah £1million pek an intiam bawk a, he pawisa pawh hi tun dinhmunah chuan Ronaldo hian a beisei ngam zan.