Aizawl; Chief Minister Lal Thanhawla chuan NEC hnuaia project kalpui thinah state sawrkar te tum ve tur 'state matching share' tihbo a duh tih a sawi. Zirtawpni kaltaa North Eastern Council (NEC) Plenary Session vawi 63-na, Shillong NEC Auditorium a neih ah he thu hi sawiin Chief Minister chuan Mizoram a helicopter service na man Central in 75% a tum thin chu 90% ah tihsan nise tih a rawt a. NEC hnuaia hmalaknaa zirna lam te, inkalpawh na te, Lengpui Airport chei that chungchangte, Rel kawng siam lam te, Tourism te leh Telecommunication lama hma lakna te leh mamawh la awm tam tak te a sawi bawk a. Tripura atanga Bru hruaikir thuah November 2014 thleng an lokirna tur Road Map I-III hnuaiah 6649 lak kir an nih thu a sawi a. Mizoram bakah Tripura leh central sawrkar tangkawp ten sum tam tak senga hruaikir hna an thawhnaah engemawzah chu an kir duh loh avangin an awm duhna hmun Tripura ah an awm hlen theih dan tur ngaihtuahho mai tha a tih thu a sawi bawk a ni. Chief Minister chuan, "NEC in Mizoram ah Rs.vbc.801.21 senna tur project 62 a neih mekah June, 2014 thleng khan Rs.vbc. 422.12 hman a ni tawh a. Hmabak la awm te hi Central sorkar atang additional fund te kan hmuh that loh avangin hmalak zelna tur a huphurhawm hle a ni," a ti bawk a ni.