5.4.2022; Mizoram State Health Care Scheme (MSHCS) hnuaiah February ni 16, 2022 atanga May 16, 2022 thleng inziahluh hun hawn mek a ni a. Hemi hun chhunga inziaklutlote chu a hnuah inziahluh theih a ni tawh dawn lo.

Health department tarlan danin, April ni 1, 2022 atangin 2022-2023 policy hman tan a ni a; ration card mila in ziahluh tur niin, ration card nei lo tan pawh a in ziahluh theih. Sawrkar hnathawk leh sawrkar hnathawkin a chenpui sawrkara a bill sak theihte inziahluh phal a ni lo a. Sawrkara MR bill theilo zawng zawngte chuan health care hamthatna an hmang tangkai thei ang. MSHCS hnuaia inziaklutte hian damdawiina an inenkawlna senso chhungkaw khatin kum khat atan Rs. 2,00,000 thleng an bill thei dawn a ni.

Mizoram chhung bakah phai lama inenkawlna te pawh a huam tel a, enkawlna senso bill theih tur chu Mizoram sawrkar bithliah ‘Notified rate’ ang a ni a. Kal man senso pawh damlo tan chauh scheme hnuaiah a bill theih a ni. Kal man bill tur chuan ticket thehluh a ngai ang. (Thlawhnaa kalte tan Boarding pass thehluh tel tur a ni).