Aizawl: Health department in Mizoram zu a that leh thatloh an test naah Mizoram zu chu a hlauhawmlo tih hmuhchhuah a ni. Health department hnuaia Food & Drugs chuan sawiselna neuh neuh a awm avangin Mizoram a zu zawrh zinga rinhlelhawm deuha ngaih chi 8 te chu January ni 25,2016 khan enfiah turin Public Health Laboratory, Guwahati ah an thawn a, Laboratory hian tun hnai khan an test result hi tichhuakin Mizoram zu ah hian thil hlauhawm leh thianghlimlo telh a awmlo tih an sawi a ni. Thudawn danin tun tumah hian Health Department hian rinhlelhawm zual nia hriat plastic bottle 8 an thawn a, test pakhat tihnan hian Rs.20 zel an chawi a ni. Zu that leh thatloh hi Mizoram ah pawh RIPANS leh Pachhunga Universaity College ah te enfiah theih tho a ni nain Public Health Laboratory, Guwahati hi sawrkar pawm anih avangin hetah hian enfiah a ni. Tun tuma zu enfiah te hi hlauhawm lo mahse hun lokal zelah engemaw thleng palh thei anih avangin Health Department chuan a khat tawkin Mizoram a zu zawrh te hi enfiah zel an tum nia thudawn a ni.