ZALEN Oct 28, 2025 : Health minister Lalrinpuiin middle school naupangte zingah zuk leh hmuam leh damdawi tite hial an awm tih a sawi.

12th Mizoram State Anti-Tobacco Day 2025 puala, ‘zuk leh hmuam tel lo nundan changkang’ tih thupui hmanga buatsaih Tobacco-free Youth Campaign 3.0 vawiin a hman khuallian nia a hmanpuina-ah he thu hi sawiin health minister chuan, department zirchiannain a tarlan danin, ruihhlo ngawlvei tam ber chu zuk leh hmuam atanga bul tan an niin, middle school naupangte zingah pawh zuk leh hmuam leh damdawi tite hial pawh an awm tih a tarlang

Zuk leh hmuam tih chuan rilru leh taksa hriselna a nghawng mai bakah kan chheh vel boruak leh mimal leh chhungkaw sum enkawldan thlengin, nitin nun a nghawng tak zet tih sawi bawkin, Anti-Tobacco Day pualin vaihlo leh a kaihhnawih do kawngah chuan mahni zawn theuhva theihtawp chhuah zel turin kalkhawmte chu a chah nghal bawk.

#ZalenNews