Aizawl: Khawvela Health Care Scheme lian ber Ayushman Bharat – Pradhan Mantri Jan Arogya Yojana (AB-PMJAY) kalpui turin Mizoram chu a inpeih tawh a, he scheme thar hi naktuk October 1, 2018 atang hian Mizoramah kalpui tan a ni dawn a ni.   Mizoram State Health Care Society thawktute hnen atanga Zalen thudawn danin he scheme thar hmanna tur hian Mizoram chhunga damdawiin zawng zawng chu pawm (empanel) vek tum a ni a. Tunah hian RSBY leh SECC (Socio Economic & Caste Census)-a inziaklut (enroll) te tan chuan hman nghal theih a ni dawn a ni.   AB-PMJAY-ah hian chhungkaw pakhat in kum 1-ah Rs. 5,00,000 thleng damdawi ina an inenkawlna senso an bill thei a; mahse, inenkawl theihna tur leh a zat (rate) bituk sa a awm a. Mizoramah September ni 24,2018 khan PMJAY hi tlangzarh a ni. &&&&